Berlina Komentario pri la Vortaro Oficiala

Dua Parto :
Listo de lingvo-elementoj

GRATULON KAJ KORAN DANKON AL BERNARDO !

Pri ĉi tiu libro
La Berlina Komentario precize notas ĉiujn lingvo-elementojn de la
Fundamento de Esperanto kaj de la Oficialaj Aldonoj tiel, kiel ili aperas
en la oficialaj dokumentoj de la Akademio. Ĉiuj trafoj de vorto en
Antaŭparolo, Ekzercaro, la Fundamentaj Gramatikoj aŭ ekster la ĝusta
alfabeta pozicio en la Universala Vortaro estas kunigitaj en apartaj
artikoloj. Tiel por la unua fojo en la historio de Esperanto eblas per unu
rigardo ekscii la plenan enhavon de la Vortaro Oficiala. La kolekton
suplementas ĉiuj Akademiaj Korektoj, indikoj pri la deveno kaj pli frua
uzo de multaj vortoj, krome Lingvaj Respondoj de Zamenhof kaj privortaj
rekomendoj kaj decidoj de la Akademio. Rimarkoj, komentoj pri la
referenc-lingvoj kaj plusendoj inter elementoj de la Vortaro Oficiala
faciligas la ĝustan interpreton. La Berlina Komentario pro tio estas
grava helpilo por plenumi la mandaton de la Antaŭparolo eltrovi „la veran
sencon de ĉiu vorto“.
Dua volumo pri ĝeneralaj demandoj de la Fundamento, transirantaj la
sferon de unuopaj vortoj, estas en preparo.
Pri la aŭtoro
Bernhard Pabst estas juristo kaj vivas en Berlino. Li publikigis multajn
detal-studojn pri la Fundamento de Esperanto.